O Foro para a Integración Social dos Inmigrantes ten as seguintes funcións:

• Formular propostas e recomendacións tendentes a promover a integración dos inmigrantes e refuxiados na sociedade española.

• Recibir información dos programas e actividades que leven a cabo a Administración Xeral do Estado, as Administracións das Comunidades Autónomas e as Administracións Locais en materia de integración social das persoas inmigrantes.

• Solicitar e canalizar as propostas das organizacións sociais con actividade no ámbito da inmigración, con vistas a facilitar a perfecta convivencia entre as persoas inmigrantes e a sociedade de acollida.

• Elaborar unha memoria anual sobre os traballos e actividades realizadas.

• Elaborar un informe anual sobre a situación da integración social dos inmigrantes e refuxiados.

• Elaborar informes sobre as propostas, plans e programas que poidan afectar á integración social das persoas inmigrantes, por iniciativa propia ou cando lle sexan requiridos polos órganos competentes da Administración Xeral do Estado.

• Promover ou elaborar estudos e iniciativas sobre asuntos relacionados coa integración social dos inmigrantes e refuxiados.

• Cooperar con outros órganos análogos de ámbito internacional, autonómico ou local con vistas a coordinar e mellorar todas aquelas actuacións que redunden en beneficio da integración social das persoas inmigrantes e refuxiados.

• Emitir informe preceptivo sobre os proxectos normativos da Administración Xeral do Estado que afecten a integración social dos inmigrantes, así como sobre os plans e programas de ámbito estatal relacionados coa devandita materia, con carácter previo á súa aprobación.

• Cantas outras actuacións se consideren necesarias en relación coa integración na sociedade española das persoas inmigrantes legalmente establecidas, así como calquera outra función que as disposicións vixentes lle atribúan.