Obxectivo

  1. Traballar no estranxeiro

    Se estás pensando ir traballar ao estranxeiro, como empregado nunha empresa por conta allea, debes saber o seguinte:

    1. Se o teu destino é o Espazo Económico Europeo e Suíza

      Como cidadán español, non necesitas ningún permiso ou autorización administrativa previa para ocupar un posto de traballo, sendo soamente necesario que aportes o teu pasaporte ou DNI en vigor, como acreditación da túa condición de cidadán dun Estado membro da Unión Europea.

      Pódese obter información para acceder a traballos na Unión Europea consultando os seguintes portais:

      • Eures que proporciona servizos de información, asesoramento e contratación/colocación (procura de emprego, aos traballadores e empresarios).
      • Europass que informa sobre o sistema de cinco documentos creado para axudarche a presentar capacidades e cualificacións de maneira sinxela e facilmente comprensible en toda Europa.
      • O Portal Europeo da Xuventude que ofrece información sobre temas de traballo, fomento do emprego, lexislación laboral, procedementos de contratación, permisos para preparar o seu CV, consellos de traballo, guías prácticas, tests e outros aspectos.

      Máis información

    2. Se o teu destino non é un país do Espazo Económico Europeo e Suíza

      A través dos Consulados e Embaixadas do país ou países de destino acreditados en España poderás informarte dos requisitos de entrada así como das condicións de acceso dos españois ao mercado de traballo local e outros requisitos para vivir no país.

      Pódese obter información a través das páxinas web das Consellerías de Traballo, Migracións e Seguridade Social existentes en numerosos países. As Consellerías teñen entre as súas funcións as de asesorar aos españois en relación co país de acreditación, sobre dereitos laborais e prestacións en relación con España, orientan sobre xestións e procedementos das Administracións do país en materias relacionadas coa protección social e o traballo e apoian nos trámites que han de seguir os españois ante esas administracións.

    3. Traballadores desprazados

      Os traballadores por conta allea, ao servizo dunha empresa con sede en España, que desempeñen tarefas profesionais, de investigación, científicas, técnicas, de dirección ou actividades similares e que sexan desprazados pola mesma empresa, a prestar servizos de carácter temporal ao país de emprego continuarán suxeitos á lexislación española de seguridade social ata un prazo máximo de doce meses sempre que sexa autorizado pola Seguridade Social Española. Este período é susceptible de prórroga por outro similar.

      Os traballadores por conta propia que realicen en España tarefas profesionais, de investigación, científicas, técnicas, de dirección ou actividades similares e que se trasladen para exercer a dita actividade ao país de emprego, continuarán sometidos á Seguridade Social española, a condición de que a duración previsible do traballo non exceda de 12 meses e se autorice por ela.
      Mas información:

  2. ESTUDIAR NO ESTRANXEIRO
    1. No sistema educativo español

      Se a túa intención é estudar no estranxeiro, infórmate primeiro sobre a actividade internacional do Ministerio de Educación e Formación Profesional que dispón dunha Rede de oficinas e centros no exterior.

      Tamén é moi útil a información sobre Estudar no estranxeiro do apartado de Estudantes internacionais en materia de axudas á mobilidade, validación e homologación de estudos e títulos estranxeiros e oficinas e centros no exterior.

    2. Rexistro Estatal de Centros Docentes españois

      O Ministerio de Educación, Cultura e Deporte de España dispón no exterior dunha rede de centros de diversa titularidade (do estado español, de titularidade mixta, centros de convenio de colaboración con institucións e fundacións, etc.).

      Dependendo do tipo de centro e os seus plans de estudos posibilítase, entre outros, o acceso ao estudo das ensinanzas regradas do sistema educativo español, á lingua e cultura españolas, ás ensinanzas regradas do sistema do país con posibilidade de acceso ao título español.

      A UNED (Universidade Nacional de Educación a Distancia) está presente en numerosos países, fundamentalmente de Europa e Iberoamérica e posibilita o acceso dos estudantes españois residentes no estranxeiro a carreiras universitarias e a programas de estudos internacionais.

      Á súa vez, as universidades españolas participan en programas internacionais que posibilitan aos seus alumnos a realización de estudos no estranxeiro. Esta información poderase atopar nos portais web das propias Universidades.

    3. Programas educativos europeos

      O Programa Erasmus permite aos estudantes de educación superior formal e en formación profesional de grao superior continuar a súa aprendizaxe no estranxeiro.

      Na páxina Falamos de Europa infórmase ademais doutros programas educativos europeos: Leonardo da Vinci, Comenius e Grundtvig.

    4. Programas de estudos fóra de Europa

      Para obter información sobre programas de estudos fóra de Europa pódese consultar a páxina web do Ministerio de Educación e Formación Profesional.

    5. Estudar no sistema educativo do país de destino

      Antes de emprender viaxe é aconsellable consultar as páxinas oficiais de educación do país de destino e das Embaixadas e Consulados acreditados en España a fin de obter información acerca da organización do sistema educativo, dos requisitos esixidos así como das bolsas ou axudas establecidas para os estudantes estranxeiros.

  3. Emprender

    Se o teu propósito é traballar como autónomo ou crear o teu negocio, é preciso informarte ben das características, lexislación e costumes do país ao que te dirixes.

    Consulta a páxina do ICEX, que ofrece asesoramento para lanzar un negocio fóra das fronteiras nacionais.

    Tamén é útil acudir ás Cámaras de Comercio de España con presenza en numerosos países, que serven para favorecer as relacións económicas con España e ofrecen apoio aos profesionais españois nas súas diversas actividades comerciais.

  4. COOPERAR

    Se o teu interese é viaxar como cooperante, a información máis completa é a que proporciona a Axencia Española de Cooperación Internacional para o Desenvolvemento AECID.

    Na páxina do Programa Europeo Xuventude en Acción atoparás información sobre intercambios, proxectos, voluntariado, formación, traballo e participación.

    Máis información:
    1. Ofertas de traballo de cooperantes
    2. AECID Convocatorias